Ұлт жоспары – Елбасы Н. Ә. Назарбаевтың 5 институционалдық реформасын жүзеге асырудың 100 нақты қадамын ұлт болашағын тәрбиелеп, оқытып жатқан Қазақстан педагогтарына: 100 нақты қадамда баршаға арналған қазіргі заманғы мемлекет, оның ішінде балаларымыздың жарқын болашағы жатқандығын насихат ету мақсатында жұмыс жасап жатқан “Қазақстан Ұстаздары” қоғамы, Зияткерлік технологиялар институты, Республикалық жанұялық “Игілік” журналы Шет тілдер және іскерлік карьера университетінің ресми қолдауымен Ел Тәуелсіздігінің 25 жылдығына орай атақты ғалымдарымызды, Республикамыздың әр өңірінде ерен еңбек етіп жатқан қайраткер ұстаздарымызды, қоғамның белсенді мүшелерін 2016 жылдың 20-шы желтоқсанында ресми марапаттады.

Зияткерлік технологиялар институтының Бас директоры, доктор, профессор – Алмас Әділбекұлы Өскенбаев мырза Шет тілдер және іскерлік карьера университетінің ректоры, доктор, профессор, ҚР ҰҒА құрметті академигі – Сабри Хизметлиге, Шет тілдер және іскерлік карьера университетінің халықаралық қатынастар жөніндегі проректоры, доктор, профессор – Хурия Екхлефге, Шет тілдер және іскерлік карьера университетінің оқу ісі жөніндегі проректоры, ғылым кандидаты, профессор – Зауре Сәлкеқызы Ақтамбердиеваға “Қазақстан ғалымы” медалін тақты.

Атаулы Марапат кешінде “Тәлімгер” медалі ҚР Ұлттық экономика министрлігі тұтынушылардың құқықтарын қорғау комитеті Алматы қаласы тұтынушылардың құқықтарын қорғау департаменті Персоналды басқару қызметінің басшысы – Зейнулла Бекмурзаұлы Салкинбаев пен Қызылорда облысы, Сырдария ауданы, Шаған ауылының кәсіпкер азаматы – Ербол Исаұлына берілді. Ал таңдаулы педагогтарымызға берілетін “Қазақстан ұстазы” медаліне Алматы облысы, Талғар ауданындағы “Нұр” отбасылық қайырымдылық балалар үйінің директоры, ата-анасының қамқорлығынсыз қалған 622 баланың Анасы – Тұяқ Қазкенқызы Есхожина, Қызылорда облысының білім басқармасының “Отбасы үлгісіндегі балалар ауылы” коммуналдық мемлекеттік мекемесінің педагогы Рания Фаилқызы Хафизова, Алматы облысы, Талғар ауданы, І.Жансүгіров атындағы мектеп жасына дейінгі №37 жалпы білім беретін мемлекеттік коммуналдық мекемесінің директоры – Дина Сапарғалиқызы Жайсанбаева, Алматы қаласындағы “Еламан-2020” балабақшасының директоры – Айнагүл Серікбосынқызы Сансызова, Алматы қаласындағы №68 санаториялық бөбекжай-балабақша меңгерушісіБағдат Алтынбекқызы Бекжанова, Алматы қаласындағы №137 жалпы білім беретін мектеп педагогы Қатира Дүйсенбайқызы Есжанова ие болды. Барша ұстаздар қауымын айтулы марапаттарымен құттықтаймыз!

“Қазақстан ұстаздары” қоғамы