Домены .kz за 3388 тенге в год

Жазылғанға купон

Қамшыбаева Майкен Қинаятовна
Құттықтау

Жұмыс орны: "№5 Жалпы білім беретін орта мектеп" КММ

Қала, аудан, село: Шемонаиха қаласы ШҚО

Педагогикалық өмірбаяны:

Қамшыбаева Майкен 3 маусым 1961 жылы ШҚО Зайсан ауданы Майқапшағай ауылында дүниеге келген. 1984 жылы Өскемен педагогикалық институтының физика-математика бөлімін, 1994 жылы Талдықорған педагогикалық институтының бастауыш сыныптарды оқыту бөлімін бітірді.
Майкен Қинаятовна өз еңбек жолын 1984 жылы Марқакөл ауданындағы Былғары Табыты ауылындағы мектеп-интернатта тәрбиеші болудан бастады. 1990 жылдан Талдықорған қаласындағы №18 мектепте бастауыш сынып мұғалімі болып жалғастырды. 1997 жылы Шемонаиха қаласындағы Островский атындағы №1 мектепте қазақ тілі мұғалімі, 2000 жылдан №2 орта мектепте бастауыш сынып мұғалімі болып қабылданды. 2007 жылдан «Жалпы білім беретін №5 орта мектеп»КММ-де бастауыш сынып мұғалімі болып істейді.
Майкен Қинаятовна өзінің ұстаздық жолында аудандық, облыстық, республикалық дәрежеде өткен сайыстарға қатысып, жүлделі орындарға ие болған.
Атап айтсақ, аудан көлемінде аудан әкімінің« Қазақстан халқы тілдер күні мерекесіне байланысты, мемлекеттіктілді дамытуда қосқан үлесі үшін»,аудандық оқу бөлімінің «Оқыту мен тәрбие берудегі жоғары шығармашылығы үшін»,аудандық кәсіподақ ұйымының « ҚР Тәуелсіздігінің 25 жылдығына байланысты білім саласына сіңірген еңбегі мен лауазымдық міндетін абыроймен орындағаны үшін, аудандық оқу бөлімінің « Бастауыш сынып мұғалімдері арасында өткен олимпиадада 2 орын алғаны үшін»,аудандық оқу бөлімінің «Бастауыш сынып мұғалімдерінің үздік бірлестік жетекшісі» сайысында 2 орын алғаны үшін,аудан әкімінің « Ұлттық мәдениет пен тілдерді насихаттағаны үшін» алғыс хаттары мен марапат қағаздарымен марапатталды.
Облыстық көлемінде БАИ-дың «Облыстық бастауыш сынып мұғалімдері олимпиадасында 3 орын алғаны үшін», ШҚО білім басқармасының «Шығыс» өңірлік орталығының «Өзін-өзі тану пәні мұғалімінің үздік портфолиосы» сайысында 3 дәрежелі дипломымен , «Шығыс» өңірлік орталығының «ЖаҺандық бәсекелестік ортадағы заманауи білім беру» өңіраралық жаңашыл педагогтар форумына қатысып «Инновациялық технологияларды пайдалана отырып жан-жақты дамыған жеке тұлға тәрбиелеу» тақырыбында баяндама жасағаны үшін ( баяндама жинаққа енді),ШҚО білім басқармасының «Білім мен тәрбие берудің өзекті мәселелері: білім және тәжірибе интеграциясы» аймақаралық 4-ші ғылыми-тәжірибелік конференцияда 2-орын иеленгені үшін, ШҚО білім басқармасының «Дарын» орталығының «Ең үздік олимпиадалық команда»дайындағаны үшін марапат қағаздарымен марапатталды.
Республика көлемінде Дарынды балаларға арналған білім беру ұйымдары мұғалімдерінің «Үздік авторлық бағдарлама» республикалық конкурсында 2 дәрежелі дипломмен, ҚР бастауыш сынып мұғалімдері олимпиадасына қатысып 2 дәрежелі дипломмен, «Мақсат-Білім» оқу –әдістемелік орталығының « Ұлттық стратегияларды жүзеге асыруға бағытталған іс-шараларының өткізілуіне зор ықпал етіп, белсенділік танытқаны үшін», алғыс хатымен, «Заманауи білім беру технологиялары» атты Республикалық байқауға қатысып 2 дәрежелі дипломмен,ҚР Интернет олимпиадасының «Бастауыш сынып мұғалімдері» олимпиадасында 3 орын алғаны үшін марапатталды.
Алматы қаласында «Бөбек» орталығында өткен республикалық «Өзін-өзі тану» мұғалімдерінің тамыз конференциясында «Ата-аналармен бірлесе отырып ұлттық құндылықта адамгершілікке тәрбиелеу» тақырыбында өз іс-тәжірибесімен бөлісіп баяндама жасады. Баяндама жинаққа енді. Қызылорда қаласында өткен «Өзін-өзі тану» рухани адамгершілік білімі негізінде оқу-тәрбие ісін ізгілендіру» атты республикалық ғылыми-әдістемелік семинарда «Өзін-өзі тану-рухани адамгершіліктің қайнар көзі» тақырыбында баяндама жасап, алғыс хатпен марапатталды. Майкен Қинаятовна Шемонаиха ауданындағы рухани-адамгершілікке тәрбиелейтін «Өзін-өзі тану» пәнін алған енгізген ұстаз болып саналады.
Бірінші деңгейлік курстан өткен ұстаз «Бірлік» кәсіби қоғамдастығының жетекшісі ретінде мектеп мұғалімдері мен аудан көлемінде бірнеше рет коучингтер өткізіп заманауи білім берудің әдіс-тәсілдерін үйретуде талмай еңбек етіп келеді.
Майкен Қинаятовнаның оқушылары аудандық, облыстық, республикалық дәрежедегі олимпиадалардың жүлдегерлері. Екі оқушысы мектепті «Алтын белгіге» бітірген. Бірнеше рет мақалалары ауданды, облыстық, республикалық басылымдарда жарық көрді. 2 сыныпқа арналған «Өлкетану» бағдарламасының авторы.
2017 жылы Қоғамдық атақтар мен марапаттар жөніндегі кеңестің оқу-ағарту ісіне қосқан үлесі үшін «Білім беру ісінің үздігі» төсбелгісімен марапатталды.
Ұстаз жаңа технологияларды енгізуге ерекше назар аударады, адамдармен жұмыс істей біледі, бастаған іске үлкен жауапкершілікпен қарайды, үнемі білімін арттырып отырады, алдындағы міндеттерді шешуде талмай еңбек етеді. Майкен Қинаятовна — зор кәсібилік тәжірибесі бар, өз функционалдық міндеттерін табысты орындайтын мұғалім. Әріптестері арасында, ауданда, облыста беделге ие.
Отбасы бар, екі бала, бес немересі бар.


Қоғам мүшесі куәлігінің үлгісі жеке кабинетте орналасқан

ЭНЦИКЛОПЕДИЯҒА ЖАРИЯЛАНҒАН ПЕДАГОГТАР ТІЗІМІ