Білім беру және тәрбиелеу процесін ұйымдастыру мен жетілдірудегі, оқыту мен тәрбиелеудің біртұтастығын қамтамасыз етудегі, білім беру және тәрбиелеу бағдарламаларын іске асырудағы елеулі табыстары үшін білім және ғылым саласының қызметкерлерін қоғамның ерекшелік белгілерімен марапаттау қарастырылған.

«Қазақстан Ұстазы» медальдерімен және төсбелгілерімен қоғамның ресми өкілдері (координаторлары), мемлекеттік және қоғамдық мекемелердің ұсыныстары бойынша жылына 3 мәрте (20 мамыр, 20 тамыз, ұстаз күні қарсаңында) қоғам төрағасының бұйрығымен марапаттауға ұсыныс келесі критериялар бойынша қабылданады:

• Республикалық және халықаралық олимпиадалардың авторлары атанған педагогтар марапатқа ұсынылады. Авторлық құқық куәлігінің иегері атануы үшін әр педагог сабақ беретін пәні бойынша 12 дәрежеден тұратын пәндік олимпиадаларға өзі құрастарған сұрақ-тапсырмаларын жіберуі қажет (әр дәреже бойынша 15 сұрақтан). Сұрақтарды жіберудің әдістері мен ережелері ақпараттық порталда көрсетілген. Сынақ сұрақтарын құрастыру ережелері: https://zti.kz/blog-create-tests.html
• Педагогикалық тәжірибесін зияткерлік технологияларды қолдана отырып еркін тарату мақсатында әр қоғам мүшесі өзінің сабақ беретін пәні бойынша түсірілген бейне материалдарын әзірлеп ұсынуы қажет. Ұсынылған сабақ бұрын әлеуметтік желілерге жарияланбауы тиіс. Сабақты түсіру талаптары: https://adisteme.kz/skrinkast.html
• «Wonder Words» https://wonder.zti.kz лингвистикалық олимпиадаларына қатысып, «Pre-Intermediate» дәрежесіне жеткен жеңіпмаздар және «Clever Quizzes» https://quiz.zti.kz пән олимпиадаларына қатысып, 3750 ұпай жинаған жүлдегерлер марапатқа ұсынылады.

Педагогтың сынақ сұрақтары мен бейне сабағы қашықтықтан білім беру порталдарына орналастырылады. Марапаттау мерзіміне дейін мониторинг жүргізіліп, ұстаздың авторлық еңбегі мемлекеттің білім ресурстарында сұранысты беделге ие болған жағдайда марапаттауға ұсыныс жасалады. Ұсыныс жасау үшін өтініш жазылып, авторлық құқық куәлігі тіркеледі. Авторлық құқық куәлігі 70 аса қатысушы автордың олимпиадасын таңдаған кезде беріледі. Педагогтың рейтінгі қатысушылардың таңдауымен және құрстырған авторлық жұмысының сұранысқа ие болуымен анықталады. Ұсыныс «Қазақстан Ұстазы» қоғамының грантымен қаржыландырылады. Ұйымдастыру жарналары жиналмайды. Марапаттау ұсынысы қолдау қызметінің операторлары арқылы қабылданады.

«Қоғам қайраткері» медаліне «Тәлімгер» және I-ші дәрежелі «Қазақстан ұстазы» медалінің иегерлері ғана ресми координаторлар арасынан ұсынылады.  Ресми координаторлар «Қазақстан ұстазы» қоғамына қарасты білім порталдардың статистикалық кезеңі жүлдегерлерінің арасынан координаторлардың өтініші бойынша тағайындалады.