Құдайбергенова Наргиза Дәулетқызы М.В. Ломоносов атындағы орта мектептің 11 «А» сынып оқушысы.  Бірінші сыныптан бастап оқу озаты. «Алтын белгі»  үміткері.  Аудандық, облыстық, республикалық  олимпиадалар жүлдегері. Атап айтқанда аудандық пән олимпиадаларында химия пәнінен 2014, 2015, 2016 жж. І орын. Жастар шығармашылығы сайысында 2015 жыл І орын, 2016 жылы «Химиялық кемпірқосақ» экспонатымен  жүлделі І орынды иеленді.  Зайсан ауданының дебат клубының мүшесі, мектеп шараларының белсенді ұйымдастырушысы, сынып старостасы. Облыстық  пән олимпиадаларының қатысушысы, жоғарғы көрсеткіш көрсеткені үшін мақтау қағаздарымен марапатталған. «Қазақстан ұстазы» қоғамымен ұйымдастырылып отырған республикалық пән олимпиадаларының белсенді қатысушысы. Химия пәнінен үш мәрте қатысып жүлделі І орындарды иеленді. Математика, орыс тілі, тарих пәндерінен қатысып жүлделі  І орындарды  иеленді. Республикалық «Ақбота», «Айгөлек», «Малахит» конкурстарының жүлдегері.

Наргиза өзіне берілген тапсырмаларды тиянақты орындайды, берілген қоғамдық жұмыстарға жауапкершілікпен қарайды. Сыныпта, мектепте оқушылар арасында беделді, өзінің білімімен жан-жақты оқушы екенін көрсетіп, кішілерге қамқор, үлкендерге құрмет көрсете алады.