Құрметті ұстаздар қауымы! Сіздерді Мұғалімдер күнімен шын жүректен құттықтаймыз! Сіздердің ұстаздық көңілдеріңіз əр оқушының жандүниесін нұрландырып, жүрегіне шапағат нұрын төгуде. Мұғалімнен өнеге-білім алып, өмір теңізіне құлаш ұрған кез келген шəкірт ұстазымен мақтанады. «Ұстаз — мектептің жүрегі», «бала жанының бағбаны». Мұндай мадақтауларды жалғастыра берсек, даналық сөздер тізбегі шексіздікке ұласады. Ел ертеңі болып табылатын ұландардың бойына білім мен өнерді, адамгершілік пен адалдықты, туралық пен шыншылдықты, рухани байлық пен ұлттық қасиеттерді сіңіріп, оларды тұлғалы азамат етіп қалыптастыруда сіздердің үлестеріңіз орасан мол.
Білім көшін жылжытып келе жатқан ұстаздар қауымына құрмет арта бермек! Мерейлі мерекеде дендеріңізге саулық, отбасыларыңызға амандық, істеріңізге сəттілік тілейміз!
Мұғалімдер мерекесінде тұсауы кесілген «Тәлімгер» республикалық әдістемелік журналының қызметі ұстаздар қауымына арналып, ғасыр қадамындай тарихы бар Отбасы институтының өркениетін зерттеуші «Игілік» журналы редакциясының қолдауымен баспаға шығарылды. Ұстаздар үшін қызмет етуге әзірленген ақпарат құралы «Қазақстан Ұстаздары» қоғамының мүшелеріне және кеңес құрамына алғысын білдіреді.logo_new