Жұмыс орны: Сырдария аудандық білім бөлімінің «№ 35 Иса Тоқтыбаев атындағы мектеп-лицей» коммуналдық мемлекеттік мекемесі

Қала, аудан, село: Тереңөзек ауылы

Педагогикалық өмірбаяны:

Қалхоразова Ұлбосын Қайқыбекқызы №35 И.Тоқтыбаев атындағы мектеп-лицейінде 1980 жылдан бастап қызмет атқарып келеді,1997 жылдан бастап қазақ тілі мен әдебиетінен сабақ береді.Ұлбосын — теориялық білімділігі мен біліктілігі жоғары, өз ісінің қыр-сырын жетік меңгерген маман. Басты назарды оқушылардың шығармашылық ізденіс дағдысын қалыптастыруға аударады.Осы еңбегінің нәтижесінде оқытқан оқушылары үлкен жетістіктерге жетуде. Инновациялық технологиялар мен әдістерді пайдалану арқылы оқушылардың шығармашылық қабілетін дамытады.
Сабақтарында тілдің қоғамдық маңызына,ана тілінің бүгінгі таңдағы саяси-әлеуметтік роліне,оның басқа тілдермен өзара байланысына баса назар аударады.Осының нәтижесінде оқушысы Аңшаева Жұлдызай 2015 жылы қазақ тілі мен әдебиеті пәні бойынша аудандық олимпиадасында І орынды иеленді. 2015 жылы «Руханият және келісім мәдениеті-бірлігі жарасқан елдің кепілі»атты шығармалар байқауының облыстық кезеңінде және «Рухани келісім-бейбітшілік кепілі» тақырыбындағы облыстық шығармалар байқауында III орын алды.Осы 2015 жылы «Асқар ата 110 жаста», «Тарих төріндегі тұлға»,»Ұлы жеңіс-ерліктің шежіресі» атты аймақтық жазба ақындар мүшайрасында жүлделі II және III орындарды иеленсе,қазақ тілі пәні бойынша республикалық қашықтық олимпиадасында III орын алды. 2016 жылы «Асқар аға есімі туған ұяда» атты аудандық жазба ақындар мүшайрасында III дәрежелі дипломмен марапатталды.Қазір ол — Алматы қаласындағы қыздар педагогикалық институтының журналистика факультетінің студенті.
Оқушысы Қайыржанқызы Інжу 2017 және 2018 жылдары қазақ тілі мен әдебиеті пәні бойынша аудандық олимпиадасында І орынды иеленді.Оқушысы Аманқос Марлен облыс оқушылары мен студенттері арасында ұйымдастырылған есірткіге қарсы «Мен өмірді қалаймын» шығарма байқауында дипломмен марапатталды.Шығармашылыққа бейімділігімен танылып отырған келесі оқушысы Ағыбай Сағыныш 2018 жылы «Қызылорда:кеше,бүгін,ертең» атты облыстық шығармалар конкурсында ІІІ дәрежелі дипломмен марапатталды,осы жылы қараша айында жалпы білім беру ұйымдарының
7-9-сынып оқушылары арасындағы А.Фейзулдаев атындағы қазақ тілі мен әдебиеті пәнінен облыстық олимпиадада ІІІ орынды иеленсе, 2019 жылы Қанипа Бітібаева атындағы қазақ тілі мен әдебиетінен республикалық олимпиаданың облыстық кезеңінде де ІІІ орынды қанжығасына байлады.2018 жылы Тереңөзек кент мәдениет үйінің ұйымдастыруымен өткізілген «Тәуелсіздік толғауы» атты жас шығармашылар байқауында оқушысы Сабыров Жәнібек бас жүлдені жеңіп алса, оқушысы Ағыбай Сағыныш І орын алды, Елбасының «Ұлы даланың жеті қыры» мақаласына орай «Өнер алды-қызыл тіл» байқауында да Ағыбай Сағыныш І орынды иеленді.
Қазақ тілі пәні бойынша республикалық қашықтық олимпиадасының 2017 жылғы көктемгі кезеңінде 7-сынып оқушылары Қанапияұлы Азамат пен Аманқосов Марлен
I және II орындарды иеленсе, күзгі кезеңінде 6-сынып оқушылары Шұғыла Әбенова,Ақжібек Әшімова,Әсел Баймен,Нұрсерік Жақсыбайұлы,Аяна Мейрамбекова,
8-сынып оқушылары Ақниет Дәуітбаева,Азамат Қанапияұлы,Гүлзат Сейдахметовалар
I орын алды,Айшат Байділда,Ержан Бақытбек,Мадина Жарылқасынова,Саятжан Мырзахметов II орын алды.Қазақ әдебиеті пәні бойынша Әріпқожаев Нұрдәулет,Ақтоты Дайырбек,Сағатова Әйгерім III дәрежелі дипломдармен марапатталды.2018 және 2019 жылдары да оқушылары жүлделі орындар алды.
Республикалық «INTOLIMP» интеллектуалды білім порталы ұйымдастырған шығармалар байқауында оқушылары Ағыбай Сағыныш,Әбдімұратова Назым, Жұманазарова Нұрсара,Қайырбекқызы Інжу,Қанапияұлы Азамат,Сабыров Жәнібек әр түрлі тақырыпта шығарма жазып, I орындарға ие болды.
Республикалық » IQ Center» интелектті дамыту орталығы ұйымдастырған мәнерлеп оқу сайысында 8-сынып оқушысы Ахметов Дамир II орын алса,»Қарттарын қадірлеген ел ардақты»,»Тәуелсіздік тірегі-Ата заң» тақырыбындағы шығармашылық байқауында Ағыбай Сағыныш, Әбіласан Нұрбек,Бақтығалиев Бақдәулет,Маратова Алтынай I орын алды. «Мектебім-алтын бесігім» шығармашылық байқауында Төлебаева Нұрсенім,»Отбасы-бақыт мекені» байқауында Аманқос Жантөре,»Тілім менің тірлігімнің айғағы» байқауында Тәліпова Ақбота,»Ұстазым-ұлағатым» байқауында Жұманазарова Нұрсара жүлделі II орынды иеленді.Ал Аманқос Марлен,Қайыржанқызы Інжу,Сабыров Жәнібектер III орын алды.
Республикалық «Жүзден жүйрік» интеллектуалды білім порталы ұйымдастырған шығармашылық байқауда оқушылары бірнеше номинациялар бойынша жүлделі орындарға ие болды.
Қалхоразова Ұлбосын бірнеше жыл аудандық қазақ тілі мен әдебиеті пәні мұғалімдерінің секциясын басқарды,облыстық ҰБТ аппеляция комиссиясының мүшесі және облыстық оқу орталығы (әдістемелік кабинет) жанынан құрылған қазақ тілі мен әдебиеті пән бірлестігінің мүшесі.
Қалхоразова Ұлбосынның зерттеп жүрген тақырыбы — «Қазақ тілі сабағында оқушы құзіреттілігін қалыптастыру» және осы тақырыптағы баяндамасы 2019 жылы «Тағылым» республикалық ғылыми-әдістемелік журналының №4 санында жарық көрді..Әріптесі Қалхоразова Маржанмен бірлесе отырып 2018 жылы «Қазақ тілі пәні мұғалімдерінің кәсіби шеберлігі және оны қалыптастырудың жолдары» атты қазақ тілі пәні мұғалімдеріне арналған көмекші құрал жазып шығарды,2019 жылы «Білім-нұр» халықаралық ғылыми-әдістемелік және педагогикалық журналында «Жаңа ақпараттық-коммуникациялық технологиялар» тақырыбындағы мақаласын жариялады.
Қалхоразова Ұлбосынның 39 жылғы еңбегіелеусіз қалған жоқ.Ол 2015 жылы Білім және ғылым министрінің Алғысын,аудан әкімінің және аудандық білім бөлімінің Алғыс хатын алды.2018 жылы Сырдария ауданының әлеуметтік-экономикалық дамуына үлес қосқаны үшін ауданның 90 жылдық мерекелік медалімен марапатталса,2019 жылы «Нұр Отан» партиясы Сырдария аудандық филиалының Алғысын алды және Қызылорда облыстық Білім басқармасы Білім және ғылым қызметкерлері кәсіподағыныңҚұрмет грамотасына ие болды.Ол 2020 жылы ҚР Білім және ғылым министрлігі «NOBEL EDUCATION» халықаралық педагогикалық орталығының Құрмет грамотасымен және «Қазақстанның үздік ұстазы» төсбелгісімен марапатталды.
Ата-анамен бірлесе отырып,баланы жеке тұлға ретінде жан-жақты тәрбиелеу Қалхоразова Ұлбосынның басты қасиеті болып саналады.Алдағы уақытта да Қалхоразова Ұлбосынның биіктен көрінетініне сенімім мол.