Домены .kz за 3388 тенге в год

Жазылғанға купон

Қарағұлов Ерұлан Серікұлы
Құттықтау

Жұмыс орны: Алматы сервистік қызмет көрсету колледжі

Қала, аудан, село: Алматы қаласы Алатау ауданы

Педагогикалық өмірбаяны:

Карагулов Ерулан Серикович 1971 жылдың 14 маусымында Алматы облысында туылған, қазақ. Білімі жоғары, Экономика және бизнес магистрі. Алматы технологиялық институтының түлегі, мамандығы «Азық-түлік өнімдері өндірісі», біліктілігі «Инженер-механик» және Абай Мырзахметов атындағы Көкшетау университетін «Мемлекеттік және жергілікті басқару» мамандығы бойынша магистр біліктілігін алып шыққан.
Карагулов Ерулан өзінің педагогикалық қызметін 2000 жылы Алматы мемлекеттік технология және менеджмент колледжінде өндірістік оқыту шебері лауазымымен бастады, кейіннен арнайы пәндері жоғары санатты оқытушысы. Жұмыс өтілі 21 жыл, педагогикалық өтілі 17 жыл. 2007 жылдан бастап осы колледжде директордың оқу-өндірістік ісі жөніндегі орынбасары, ал 2010 жылдан бастап директордың ғылыми және оқу-әдістемелік ісі жөніндегі орынбасары болып жұмыс істеді.
2015 жылдан бастап Алматы қаласы Білім басқармасының «Алматы сервистік қызмет көрсету колледжі» КМҚК директоры болып тағайындалды.
Карагулов Е.С. тек білім алушыларға ғана емес, барлық қызметкерлерге қолайлы, қауіпсіз және жайлылық жағдай жасау жұмыстарының заманауи ұйымдық-басқару сапасын меңгерген жетекші. Оқу-тәрбие, оқу-әдістемелік білім үдерісін қамтамасыз ету және педагогтардың шығармашылық белсенділігін ұйымдастыру және дамыту үшін барлық жағдайды жасайды.
Карагулов Е.С. үнемі өзінің кәсіби шеберлігін арттырып отырады. Өзінің кәсіби қызметінде қызметкерлерді басқарудың тиімді тәсілдері мен әдістерін қолданады. Оқу-тәрбие үдерісін жетілдіруде қойылған мақсаттар мен міндеттерді сауатты жоспарлайды және жүзеге асырады. Карагулов Е.С. заманауи инновациялық педагогикалық, оның ішінде оқытудың ақпараттық технологиясын ендіруге бағдарланған менеджер.
Қазақстан Республикасы Білім және ғылым министрлігінің техникалық және кәсіптік білім беру саласында халықаралық жобаларды жүзеге асыруға белсене қатысуда.
Е.С. Карагуловтың өмірлік ұстанымы жұмысқа шығармашылықпен қарау, жоғары жауапкершілік, кәсіби деңгей болып табылады. Ол өз жұмысын жақсы көреді, студенттермен жақсы қарым-қатынас жасайды, оларға кәсіптік білім береді. Ол қайырымды, жан-жақты, мәдени деңгейі жоғары, топпен жұмыс істей алады және ұжымға қолайлы жағдай жасайды.
Е.С.Карагулов талап қойғыш, табанды жетекші, әділ тәрбиеші сияқты қасиеттеріне орай ұжымның, студенттердің және түлектердің құрметіне әбден лайықты.


Қоғам мүшесі куәлігінің үлгісі жеке кабинетте орналасқан

ЭНЦИКЛОПЕДИЯҒА ЖАРИЯЛАНҒАН ПЕДАГОГТАР ТІЗІМІ