foto-kazgu-mehmat-marapatҮстіміздегі жылдың 20-шы қазанында әл-Фараби атындағы ҚазҰУ-нің механика-математика факультетінде ҚР “Қазақстан Ұстаздары” қоғамының марапаты өтті. Ұлт жоспары – Елбасы Н. Ә. Назарбаевтың 5 институционалдық реформасын жүзеге асырудың 100 нақты қадамын ұлт болашағын тәрбиелеп, оқытып жатқан Қазақстан педагогтарына: 100 нақты қадамда баршаға арналған қазіргі заманғы мемлекет, оның ішінде балаларымыздың жарқын болашағы жатқандығын насихат ету мақсатында жұмыс жасап жатқан “Қазақстан Ұстаздары” қоғамы әл-Фараби атындағы Қазақ ұлттық университеті механика-математика факультетінің ресми қолдауымен жыл сайынғы мерекелік шара – Күздің үлесіне түскен Мұғалімдер күніне орай Республикамыздың әр өңірінде ерен еңбек етіп жатқан қайраткер ұстаздарымызды, қоғамның белсенді мүшелерін марапаттады. Қадірлі ұстаздарымызды әл-Фараби атындағы ҚазҰУ-нің механика-математика факультетінің деканы, физика-математика ғылымдарының докторы, профессор – Мақтағали Әбдімәжитұлы Бектемесов, Зияткерлік технологиялар институтының Бас директоры, профессор – Алмас Әділбекұлы Өскенбаев, Қазақстанның Еңбек сіңірген қайраткері, ҰҒА Құрметті академигі, экономика ғылымдарының докторы, профессор, ҚР Журналистер Одағының мүшесі – Әбдіжапар Жұманұлы Сапарбаев,Қазақстан Ұстаздары” қоғамының Бас хатшысы, Тәлімгері, ҚР Журналистер Одағының мүшесі, Республикалық “Игілік” журналының Бас редакторМеруерт Әбдірайымқызы Әйтенова құттықтады.

Жоғары оқу орындарында үздіксіз білім беріп келе жатқан қайраткер тұлғаларымызбен, ғалымдарымыз: әл-Фараби атындағы ҚазҰУ, механика-математика факультетінің деканы, физика-математика ғылымдарының докторы, профессор – Мақтағали Әбдімәжитұлы Бектемесов, ҚазҰУ, механика-математика факультетінің профессоры – Айдархан Қалтаев, әл-Фараби атындағы ҚазҰУ, механика-математика факультетінің Дифференциялдық теңдеулер мен басқару теориясы кафедрасының меңгерушісі – Салтанбек Талапеденұлы Мұхамбетжанов, әл-Фараби атындағы ҚазҰУ, механика-математика факультетінің Іргелі математика кафедрасының меңгерушісі, физика-математика ғылымдарының докторы, профессор – Мирболат Бақытжанұлы Сихов “Қазақстан ғалымы” медалімен марапатталды.

Осы марапаттауда “Тәлімгер” медалімен Қазақстанның Еңбек сіңірген қайраткері, ҰҒА Құрметті академигі, экономика ғылымдарының докторы, профессор, ҚР Журналистер Одағының мүшесі – Әбдіжапар Жұманұлы Сапарбаев,“Қазақстан ғалымы” медалімен, Абай атындағы ҚазҰПУ-нің Баспа бөлімінің басшысы, ҚР Жазушылар Одағының мүшесі, Мемлекеттік сыйлықтардың лауреаты – Мырзахан Ахмет,“Қазақстан ғалымы” медалімен Ж. С. Асфендияров атындағы ҚазҰМУ-нің аға оқытушысы, доцент – Мұхтар Қожасұлы Қанқожа марапатталып, үлкен құрметке ие болды.

ҚР “Қазақстан Ұстаздары”қоғамының жыл сайын санаулы, белсенді мүшелеріне берілетін “Қазақстан Ұстазы” медалімен Батыс Қазақстан облысы, Зеленов аудандық балалар саз мектебінің директоры – Лаззат Майданқызы Қажығалиева, Қызылорда қаласы, №8 облыстық арнаулы санаториялық мектеп-интернаты директоры – Еркін Кенжебайұлы Ақшалов, Алматы қалалық Яссауи атындағы №123 мектеп-гимназия директорының тәрбие жұмысы жөніндегі орынбасары – Мақсат Габдулманапұлы Джабулаев, Қызылорда қаласындағы “Атамекен” отбасы үлгісіндегі балалар ауылы педагог-психологы – Ақмарал Жарасқызы Елдесбаева, Қызылорда облысының Ардагер ұстазы – Нажмадин Өсеров, Алматы қалалық Салауатты өмір салтын қалыптастыру орталығының психолог-педагогы – Рахия Кеңесбекқызы Искакова, Жамбыл облысы, Жамбыл ауданы әкімдігінің білім бөлімінің математика-физика пәнінің әдіскері – Баян Арыстанқызы Еламанова, Жамбыл облысы, Жамбыл ауданы әкімдігінің білім бөліміне қарасты Шайдана бастауыш мектебінің меңгерушісі – Нурбиби Байзахқызы Молдашова, Жамбыл облысы, Мойынқұм ауданы, Бірлік ауылындағы Т. Рысқұлбеков атындағы орта мектептің жоғары санатты ұстазы – Гулнар Нурдилдақызы Иптилдаева, Қызылорда облысы, Қармақшы ауданы, “Толғанай” балабақшасының педагогы – Сағира Жұмағалиқызы Қайырбаева, сонымен қатар ұзақ жылдар артынан шәкірттер тәрбиелеп қалдырған, өз мамандығының нағыз майталманы болған тұлғаларға берілетін  “Тәлімгер” медалімен Алматы қаласындағы “ЛәззатМед” медицина орталығының басшысы – Ләззат Бораздақызы Сеңгірбаева, Қызылорда облысы, Жалағаш аудандық орталық ауруханасының Бас дәрігері – Әсия Мүсілімқызы Бекбергенова, Алматы қалалық №5 перзентхана Бас дәрігердің аудит және эксперт бойынша орынбасары – Тилешова Наватгуль марапатталды.

Зияткерлік технологиялар институтының және “Қазақстан Ұстаздары” қоғамының қашықтық әдістерімен өткізілетін олимпиадаларына белсене қатысып, орын алған қабілетті білім алушыларды көтермелеу мақсатында “Оқудағы үздік жетістіктері үшін” төсбелгісі мен ақшалай атаулы стипендиясы – Жадыра Қуанышбекқызы Түсбековаға беріледі.

“Қазақстан Ұстаздары” қоғамы

[useyourdrive dir=»0B8_98bibsTwIUWlLeko0N0UyakE» mode=»gallery» includeext=»gif|jpg|jpeg|png|bmp» viewrole=»administrator|editor|author|contributor|subscriber|guest» downloadrole=»administrator|editor|author|contributor|subscriber|guest»]