Қазақстанда алдыңғы қатарлы ЖОО бірі болып табылатын университетте докторлық диссертацияның сатылымы арқылы білімгерлері жалған магистр дипломын иеленгені әшкереленді.
Еліміздегі философия докторы (PhD) дәрежесін алу мақсатында жазылған докторлық диссертациялар толық көшіріліп, осылайша авторлық құқықтарды бұзу фактісі еліміздегі жоғары оқу орындарының бірінде анықталды.
Яғни аталмыш ЖОО білімгерлері докторлық диссертацияларды 100% көшіріп, тікелей ұрлап өрескел заң бұзушылыққа бару арқылы жариялау жағдайына жол берген.
Авторлық құқық бұзушылықтың қазіргі таңда ең көп тараған түрі – плагиат өзгенің туындысына авторлық құқықты заңсыз иелену.
Қазіргі таңда жалған диплом иеленген түлек өзінің жасаған әрекетін толық мойындап отыр, докторлық диссертацияны қомақты қаражатқа сатып алғандығы туралы ресми түсініктеме бергені де анықталды. Бірақ ол авторлық құқықты бұзу арқылы иемденген докторлық диссертацияны нақты кімнен және қалай сатып алынғанын анықтап айтпай отыр. Университет бұл жағдайдан соң түлектері иеленген магистр дипломының күшін жойған. Сорақысы сол мемлекеттік университет берген жалған дипломмен аталмыш университет түлегі заңсыз түрде мемлекеттік мекемеде 6 ай көлемінде қызмет жасап үлгерген.
Дәл осындай жолмен даярланған болашақ мамандар қоғамымыздың қас жауы емес пе? ….
Жуық арада бұл оқиғаның толық мән-жайын білетін боласыздар!

Сая Болатханқызы.
ҚР Ұлттық музейі,
ғылыми-әдістемелік қызмет басшысы.