Bilim berý jáne tárbıeleý prosesin uıymdastyrý men jetildirýdegi, oqytý men tárbıeleýdiń birtutastyǵyn qamtamasyz etýdegi, bilim berý jáne tárbıeleý baǵdarlamalaryn iske asyrýdaǵy eleýli tabystary úshin bilim jáne ǵylym salasynyń qyzmetkerlerin qoǵamnyń erekshelik belgilerimen marapattaý qarastyrylǵan.

«Qazaqstan Ustazy» medalderimen jáne tósbelgilerimen qoǵamnyń resmı ókilderi (koordınatorlary), memlekettik jáne qoǵamdyq mekemelerdiń usynystary boıynsha jylyna 3 márte (20 mamyr, 20 tamyz, ustaz kúni qarsańynda) qoǵam tóraǵasynyń buıryǵymen marapattaýǵa usynys kelesi krıterıialar boıynsha qabyldanady:

• Respýblıkalyq jáne halyqaralyq olımpıadalardyń avtorlary atanǵan pedagogtar marapatqa usynylady. Avtorlyq quqyq kýáliginiń ıegeri atanýy úshin ár pedagog sabaq beretin páni boıynsha 12 dárejeden turatyn pándik olımpıadalarǵa ózi qurastarǵan suraq-tapsyrmalaryn jiberýi qajet (ár dáreje boıynsha 15 suraqtan). Suraqtardy jiberýdiń ádisteri men erejeleri aqparattyq portalda kórsetilgen. Synaq suraqtaryn qurastyrý erejeleri: https://zti.kz/blog-create-tests.html
• Pedagogıkalyq tájirıbesin zıiatkerlik tehnologıialardy qoldana otyryp erkin taratý maqsatynda ár qoǵam múshesi óziniń sabaq beretin páni boıynsha túsirilgen beıne materıaldaryn ázirlep usynýy qajet. Usynylǵan sabaq buryn áleýmettik jelilerge jarıialanbaýy tıis. Sabaqty túsirý talaptary: https://adisteme.kz/skrinkast.html
• «Wonder Words» https://wonder.zti.kz lıngvıstıkalyq olımpıadalaryna qatysyp, «Pre-Intermediate» dárejesine jetken jeńipmazdar jáne «Clever Quizzes» https://quiz.zti.kz pán olımpıadalaryna qatysyp, 3750 upaı jınaǵan júldegerler marapatqa usynylady.

Pedagogtyń synaq suraqtary men beıne sabaǵy qashyqtyqtan bilim berý portaldaryna ornalastyrylady. Marapattaý merzimine deıin monıtorıng júrgizilip, ustazdyń avtorlyq eńbegi memlekettiń bilim resýrstarynda suranysty bedelge ıe bolǵan jaǵdaıda marapattaýǵa usynys jasalady. Usynys jasaý úshin ótinish jazylyp, avtorlyq quqyq kýáligi tirkeledi. Avtorlyq quqyq kýáligi 70 asa qatysýshy avtordyń olımpıadasyn tańdaǵan kezde beriledi. Pedagogtyń reıtingi qatysýshylardyń tańdaýymen jáne qurstyrǵan avtorlyq jumysynyń suranysqa ıe bolýymen anyqtalady. Usynys «Qazaqstan Ustazy» qoǵamynyń grantymen qarjylandyrylady. Uıymdastyrý jarnalary jınalmaıdy. Marapattaý usynysy qoldaý qyzmetiniń operatorlary arqyly qabyldanady.

«Qoǵam qaıratkeri» medaline «Tálimger» jáne I-shi dárejeli «Qazaqstan ustazy» medaliniń ıegerleri ǵana resmı koordınatorlar arasynan usynylady.  Resmı koordınatorlar «Qazaqstan ustazy» qoǵamyna qarasty bilim portaldardyń statıstıkalyq kezeńi júldegerleriniń arasynan koordınatorlardyń ótinishi boıynsha taǵaıyndalady.