Естыбаева Гульбаршин Кобесовна 1953 жылы 21 қыркүйекте Алматы облысы Қаратал ауданы Үштөбе қаласында дүниеге келген.
1970 жылы № 262 орта мектебін (қазіргі №13 орта мектеп) бітіріп, Қаратал ауданы Фрунзе атындағы орта мектебінде аға пионер вожатый болып еңбек жолын бастайды. 1972 жылы Абай атындағы мемлекеттік педагогикалық институтының жаратылыстану-география факультетіне химия-биология мамандығы бойынша оқуға түсіп, 1977 жылы бітіріп шығады.
Ұстаздық жолын Крупская атындағы орта мектебінде химия-биология пәнінің мұғалімі болып бастайды. 1979 жылы Үштөбе қаласындағы Ушинский атындағы мектебіне ауысып, мектеп директорының тәрбие ісі жөніндегі орынбасары қызметіне өсіп, мектеп директоры лауазымына дейін көтеріледі.
Ұлағатты ұстаздың шәкірттері Ресейде, Оңтүстік Кореяда, Қытайда, Канадада және еліміздің білім ордаларында оқыған. Қазіргі таңда зейнеткер, үш ұл тәрбиелеп, немере сүйіп отырған әже.