Әдебиетші-ұстаз Қарақат Исқақұлы Шалабаев 1942 жылы Жамбыл ауданы Амангелді ауылында туған.
1957 жылы Жамбыл ауданындағы Амангелді жеті жылдық мектебін бітіріп, оқуын сол аудандағы Баян орта мектебінде жалғастырды.
1960 жылы Алматыдағы С.М.Киров атындағы Қазақ мемлекеттік университетінің филология факультеті қазақ тілі мен әдебиеті бөліміне түсіп, 1965 жылы тәмамдайды.
Оқытушылық жолын 1965 жылы Жамбыл ауданындағы Жамбыл орта мектебінде бастайды.
1966-67 жылдары Кеңес Армиясы қатарында әскери міндетін өтейді.
1967-68 жылдары Жамбыл орта мектебінде ұстаздық жолын жалғастырды.
1969-1978 жылдары Жамбыл ауданындағы Амангелді орталау мектебінде қазақ тілі мен әдебиеті пәндерінің оқытушысы.
1979-1983 жылдары Жамбыл ауданындағы Үлгі орталау мектебінің директоры болып қызмет етті.
1984-1997 жылдары Жамбыл ауданындағы Амангелді негізгі мектебінің директоры қызметін атқарды.
1998-1999 жылдары Амангелді мектебінде қазақ тілі мен әдебиеті пәндерінің оқытушысы.
1984-1997 жылдары мектеп басқарған кезде Қарақат Исқақұлы Шалабаев сол жылдары сан-салалы, мазмұны бай халықтық педагогиканы Амангелді орталау мектебінде оқу-тәрбие жұмысына жан-жақты пайдалануға қол жеткізді.
«Халық педагогикасы – асыл қазына», «Әдет-ғұрып – ұлттық мінездің негізі», «Өз халқыңның әдет-ғұрпын білу – үлкен мәдениеттілік», «Атадан қалған асыл сөз» атты стенділермен мектеп іші безендірілді.
1987 жылы облысымыздың қазақ мектептерінің басшылары қатысқан «Мектеп бағдарламасына халықтық педагогиканы енгізу» тақырыбында Амангелді мектебінде семинар өткізілді. Облыстық мұғалімдер біліктілігін арттыру институтының ұйымдастыруымен өткен бұл семинарда Жамбыл ауданы Амангелді орталау мектебінің іс-тәжірибесін облыс мектептеріне тарату жөнінде ұсыныс жасалды.
Қарақат Исқақұлы Шалабаев Амангелді негізгі мектебін басқарған жылдары мектеп бес жыл қатарынан аудандағы үздік мектептердің қатарында болды.
Қ.Шалабаевтың ұстаздық өмірі мен арман-мақсаты жайында жазушы-журналист Смәділова Қарагөздің «Қалдырған ізі мәңгілік» Алматы, «Білім», 2002ж. кітабы жарық көрді.
Қ.Шалабаевтың өз шығармалары:
1. «Ауылым Сұлуқия жағасында», Петропавл, 2013ж.
2. «Ән-жыр тұнған Гүлтөбе», Алматы, «Білім», 2016ж. кітаптары.

Қ.Шалабаевтың марапаттары:
1. Жас ұрпақты оқыту мен тәрбиелеудегі жетістігі үшін Жамбыл аудандық ағарту саласы кәсіподағының Құрмет грамотасы, 1975 ж.
2. Жамбыл ауданы білім бөлімінің Құрмет грамотасы, 1980 ж.
3. «Қазақ ССР халық ағарту ісінің озық қызметкері», 1984ж.
4. Облыстық білім жүйесіндегі шығармашылық еңбегі және жеткіншек ұрпақты оқыту мен тәрбиелеудегі табыстары үшін Құрмет грамотасы, 2000 ж.
5. Қазақ тілі пәнінен оқушыларды облыстық олимпиадаға дайындағаны үшін және шығармашылық еңбегі үшін Грамота, 2002ж.
6. «ҚРСҚО білім және қызметкерлерінің кәсіптік одағы» қоғамдық бірлестігінің Құрмет грамотасы, 2005 ж.
7. Қазақстан Республикасы Білім және ғылым министрлігі Құрмет грамотасы, 2004 ж.
8. Білім және ғылым қызметкерлерінің кәсіподағына сіңірген еңбегі үшін» төсбелгісі, 2022 ж.
9. «Еңбек ардагері» медалі, 2022 ж.

Қарақат Исқақұлы Шалабаевтың жалпы педагогикалық еңбек өтілі — 46 жыл.