Жұмыс орны: Қазақстан Республикасы Білім және ғылым министрлігінің «әл-Фараби атындағы Қазақ ұлттық университеті» шаруашылық жүргізу құқығындағы республикалық мемлекеттік кәсіпорыны

Қала, аудан, село: Алматы

Педагогикалық өмірбаяны:

Өскенбай Мөлдір Әділбекқызы 1989 жылы 20 қаңтарда Шығыс Қазақстан облысы, Зайсан қаласында дүниеге келді.
Мөлдір Әділбекқызы бала күнінен ғылымға үйір болып өсті. Орта мектепті бітірген соң, білімнің қара шаңырағы, әл-Фараби атындағы Қазақ Ұлттық университетіне мемлекеттік грант иегері атанып, тарих факультетіне түседі. Жоғары оқу орны қабырғасында Мөлдір мамандығы тарихпен қоса ағылшын, кәріс, көне шағатай тілдерін үйренеді. Ағылшын тілінде оқу курстарын жүргізеді. 2010 жылы білім бакалавры дәрежесін алған соң, Мөлдір Әділбекқызы өз білімін жетілдіру мақсатында магистратураны үздік бітіріп, кейін өз университетінде доктарантураға қабылданады.
Білімге деген құштарлығының арқасында Мөлдір Оңтүстік Корея Республикасы, Сеул қаласындағы Ханьянг университеті (2011-2012 жж.) АҚШ, Висконсин-Мэдисон университеттерінде (2013-2014 жж.) болып, білімін үнемі жетілдірумен келеді. Сол қалаларда оқыды, еңбек етті. Батыс пен Шығыстың университеттерінде ол ең көрнекті ғалымдарымен, еңбектерімен танысады. Олардан тәлім-тәрбие алады.
Мөлдірдің ғылыми көзқарасының қалыптасуына жетекшілері т.ғ.д., профессор Т.О. Омарбеков, т.ғ.д., PhD, профессор Юлай Шамильоглы және ұстазы т.ғ.к., доцент Қ.Қ.Құнапина мектебінің ғылыми бағдарлары өз әсерін қалдырды.
Қазақстан жазушылар одағының мүшесі Ә.Ж.Салықбайдың басшылығымен Республикалық ғылыми-әдістемелік «Қазақ тарихы» журналының әдістеме бөлімі редакторы қызметін атқарған кезеңде Мөлдір қаламын шыңдап, өзіне үлкен тәжірибе жинады.
Оның айналысатын ғылыми тақырыптары: «VI-XIII ғғ. түркі тайпаларының Қазақстандағы орналасуы» (бакалавр дипломының тақырыбы), «IX-XII ғғ. ру-тайпалар этнонимдерінің генезисі» (магистрлік диссертация тақырыбы), «VІ-ІХ ғғ. аралығындағы түркі тайпаларының этномәдениеті және әлеуметік мәселелері» (докторлық диссертация тақырыбы). Ғылыми-әдістемелік еңбектерінің қатарында: «English topics» орта деңгейдегі ағылшын тілін оқыту әдістемелігі (2014), ҚР Білім және ғылым министрлігі ұсынған «Baldyrgan» мектепке дейінгі білім беру интерактивті оқулығы (2014), «Дүниежүзі тарихы бойынша оқу-әдістемелік құрал» орта мектеп оқушыларына және талапкерлерге арналған анықтама (2013-2014), «Қазақстан тарихы. Орта мектеп оқушыларына және талапкерлерге арналған тест сұрақтары» 6-7 сынып, І бөлім (2013-2014), «Қазақстан тарихы. Орта мектеп оқушыларына және талапкерлерге арналған тест сұрақтары» 8-9 сынып, ІІ бөлім (2013-2014) деп аталады.
«POSCO TJ Park Foundation» шәкіртақысы (2007), «Президенттік шәкіртақы» (2008-2010), «М.М. Әбділдабек» атындағы шәкіртақы (2012) иегері.
Қазіргі таңда М.Ә. Өскенбай әл-Фараби атындағы Қазақ Ұлттық университеті Қазақстан тарихы кафедрасының аға оқытушысы, тарих ғылымдары бойынша философия докторы.

Маңызды еңбектер тізімі:

Мақалалар:
1. Expanding the territory of the Western Turkic Khanate (VII-VIII centuries) // Life Science Journal 2014;12(12),http://www.lifesciencesite.com P. 586-593.
2. Oskenbay M.A. Concept of Time in Nomadic Civilization. // Science. International Scientific journal. ISSN 2312-4822. Almaty. May 2014. P. 48-60.
3. Oskenbay M.A. Role of women in Social Life of nomadic tribes in Central Asia between VII-IX centuries. X International conference “Borderless Knowledge”. Publishing House “Education and Science”. Przemysl, Polish. December 2014.

Оқу-әдістемелік құралдар:
1. English topics. Teaching manual. Баспа: Lap-Lambert academic publishing. 2014. ISBN 978 – 3 – 659 – 48031 – 7 160 p.
2. Мектепке дейінгі тәрбие мен оқыту және бастауыш білім беру деңгейіне арналған «Балдырған» интерактивті оқыту бағдарламасы (қаз., орыс, ағыл.) Баспа Арман ПВ. 2014. Электронды оқулық.
3. Қазақстан (Қазақ елі) тарихы. Оқулық. І бөлім Баспа «Қазақ университеті». Алматы, 2014, 600 б.
4. Қазақстан (Қазақ елі) тарихы. Оқулық. ІІ бөлім Баспа «Қазақ университеті». Алматы, 2014, 687 б.
5. Құнапина Қ.Қ., Ж.Ж.Құмғанбаев, А.Ш. Махаева, М.Ә. Өскенбай. Қазақстан тарихы (Орта мектеп оқушыларына және талапкерлерге арналған тест сұрақтары) 6-7-сынып. І бөлім. Алматы 2013-2014 жж. 311 бет. ISBN 978-601-276-018-7.
6. Құнапина Қ.Қ., Ж.Ж.Құмғанбаев, А.Ш. Махаева, М.Ә. Өскенбай. Қазақстан тарихы (Орта мектеп оқушыларына және талапкерлерге арналған тест сұрақтары) 8-9-сынып. І бөлім. Алматы 2013-2014 жж. 359 бет. ISBN 978-601-276-018-7.
7. Құнапина Қ.Қ., Ж.Ж.Құмғанбаев, А.Ш. Махаева, М.Ә. Өскенбай. Қазақстан тарихы (Орта мектеп оқушыларына және талапкерлерге арналған тест сұрақтары) 8-9-сынып. IІ бөлім. Алматы 2013-2014 жж. 359 бет. ISBN 978-601-276-018-7.
8. Құнапина Қ.Қ., Ж.Ж.Құмғанбаев, А.Ш. Махаева, М.Ә. Өскенбай. Дүние жүзі тарихы пәні бойынша оқу- әдістемелік құрал (Орта мектеп оқушыларына және талапкерлерге арналған анықтама). Алматы 2013-2014 жж. 255 бет. ISBN 978 – 601 – 276 – 0.