профессор, ақпараттық қауіпсіздікті қамтамасыз ету және қашықтықтан білім беру технологиялары саласының маманы — Оскенбаев Алмас Адильбекович 1984 жылдың 3 шілдесінде Шығыс Қазақстан облысының Зайсан қаласында дүниеге келген.

Зияткерлік технологиялар институтының құрылтайшысы. «Adisteme» журналының бас редакторы.

Қазақстан Республикасы Ұлттық қауіпсіздік комитеті Әскери институтының түлегі. Ұлттық қауіпсіздік комитетінің академиясында, «Қорған» орталығында, Қайнар университетінде, академиясында, Халықаралық білім беру институтында оқыған. Офицер, ағылшын тілінің мұғалімі, техника ғылымдарының маманы.

Қашықтықтан білім беру жүйелерінің ғылыми-техникалық жабдықталуын зерттеуші, заманауи үлгілерін құрастырушы, ұсынушы.

Мемлекет қызметіндегі жетістіктері үшін «Ұлттық қауіпсіздік қалқаны», «Мінсіз қызметі үшін» медальдарымен марапатталған. «Ақылды кітап» инновациялық жобасының негізінде Еуропалық ғылыми-өндірістік консорциумының шешімімен білім және ғылым саласындағы еңбек жетістіктері үшін Ресей Федерациясының астанасы Мәскеу қаласының Ғылым Ордасында «М.В.Ломоносов» атындағы медалімен марапатталған. Жергілікті мәслихат депутаттарының қолдауын тапқан ұстаздарының ұсынысы бойынша өзі оқыған М.В.Ломоносов атындағы білім ошағында 2015 жылы атаулы аудитория ашылды.